ازاى تعرف انك بتتفرج على ماتش كوره مصرى

عندما يصاب المتفرجون اللى هم الجمهور فى الاستاد بالهياج كل لما الكاميرا تيجى ناحيتهم ( وتلاقى الراجل من دول باصص للكاميرا وعمال يشاور تلاقيه عايز بس المدام تشوفه هى والعيال تقوليش هايشوفوا توم كروز )

تلاقى المشجع من دول خيالى اوى يقولك هنكسب تسعه والتانى يرد عليه احنا هنكسبكم احداشر وفى الاخر يطلعوا صفر صفر يا اما الفريق بتاع الراجل اللى ضرب الرقم الكبير ده يخسر وديه حاجه انا بشوفها فى جمهور الزمالك وبينى وبينكم ما بعرفش امسك نفسى من الضحك لان طبعا النتيجه معروفه مسبقا وهى فوز الاهلى وبعدد وافر من الاهداف
يالا اهه جمهور غلبان وعلى اده نسيبهم يضحكوا على بعض بالكلام ونبقى نتفرج على الفضايح زى السته يا بتوع السته ويطلعوا برضه ما عندهمش دم ويقولك ده فريقنا ادى مباراه قويه وخسرنا بشرف ما علينا )

عندما تسود لغه الاشاره فى تعامل اللاعب مع الجمهور ........... تبقى انت قاعد انت ومراتك فى امان الله وتلاقى واحد زى ابراهيم سعيد ( لاعب الزمالك سابقا ) دابب صباعه فى عينك انت وهى وما تقولش زاى كل حاجه بتحصل وجايزه ده احنا فى عصر التقدم العلمى وهو كمان متربى فى نادى الاخلاق والقيم

لما ييجى لاعب ويرقص اللاعب التانى يقوم جاى الواد التانى وضاربه على افاه واللعب يكمل عادى ايه جايبين حكم ما بشوفش ولا مطنش عشان ما ينضربش ( ربنا يخليك لينا يا غندور )

عندما يجرى اللاعب اللى احرز الهدف وهو عمال يزق فى اللاعيبه اللى جايه تهنيه ماهم قرحانين وهو مش واخد فى باله الا انه يروح للكاميرا عشان يبوسها ( يكونش بيبعتها لمزته جايز )

عندما يعتدى كابتن كبير بالسب والضرب ( ويك ويك ويك ويا ولود كذا ويا ولود كذا ) على العيال الغلبانه اللى بيلموا الكور من ورا الجون والواد يا عينى يفضل يعيط وابقى سلملى على محمد فضل

عندما يختفى صوت المعلق تعرف علطول ان الشتيمه بدات وغالبا بتبقى ( شى حا للحكم او سب لاعب ضيع بنالتى او بيلعب بطريقه فيها لا مبالاه او يشتموا واد جاب جون من كتر الفرحه اصل الشعب المصرى ده غريب لازم ياخد السيئات ما يسيبهاش تعدى كده ان اللاعب ضيع الكوره تبقى ليله اهله مش معديه ويتشتم لحد ما الواد يفقد تركيزه ولو كان جابها جون يابن ال ويابن ال وجيبتها ازاى لعيب يابن ال وحطوا الشتيمه االلى تيجى فى بالكم )

عندما تسمع فى بدايه الماتش اللى بينقله التليفزيون للموسيقى المصاحبه لبدايه الانتقال الى اذاعه خارجيه واللى لسه ما اتغيرتش من ايام الكابتن لطيف ( بتفكرونا بالايام الحلوه )

عندما يقوم المخرج ويعيد الجون سبع تمن مرات يكون جه جون تانى خلال الفتره ديه واللى يغيظك ان الجون اللى هو قعد يعيده ده يكون من ضربه جزاء والجون اللى احرز ما يتعادش غير بعد نص ساعه وصورته تكون زى القرف اصله كان مستنى واحد معاه موبيل ان سبعتاشر يجيبهوله اصل الكاميرات اللى فى الملعب هم اتنين واحده فى الشوط الاول والتانيه فى التانى ولو فيه وقت اضافى يقولك عفوا لانقطاع التيار الكهربى من المصدر

عندما يحسب على احد اللاعبين اوفسايد يروح الواد باصص لحكم الرايه بغيظ كده وعايز اضربه بس بيكتفى بالشتيمه وطبعا مش هننسى عمرو بيه زكى اللى مسك الحكم وهاتك يا شتيمه خليك زكى يا عمرو بلاش النرفزه الكدابه ديه اعمل زى فلافيو بيشتم اه بس بالبرتغالى وحكم الرايه ما بيفهمش غير العربى بتاع شوارعنا يعنى بيفهم عربى بالعافيه روح اتعلملك برتغالى بس ادعى ان مهاره برازيل اوروبا ينوبك منها حاجه مع انى اشك لانك لاعب تعبان وعلى ادك فى مهاراتك زى معظم لاعبى البيت الابيض

تلاقى الماتش بدا مره واحده بس بادىء بالدقيقه التالته ايه يا اخوانا غيرتوا التوقيت ولا ايه يقولك اصل كان فيه اعلان جديد نازل ومدفوع حقه نجيبه الاول وطبعا خلال التلات دقايق دول يكون عبد المنصف شاله فيهم بتاع 3 اهداف

تيجى بعد الماتش لو فاز منتخبنا ببطوله تسمع كام اغنيه كده والله وعملوها الرجاله ( على نفسهم ) واغنيه ما تشربش من نيلها ( عشان مش ناقصه ترجع لها تانى اللى يمشى يبقى داهيه لا ترجعه ) وغيره وتلاقى المذيعه طالعه ولابسه الحته الزفره بتاعتها والضحكه طالعه من بقها والدمعه هتفر من عنيها وبتقرا نص الرساله بتاعه الريس بتاعنا اللى هو اساسا مش فاضى يتفرج على الماتش

عندما يخبرك المذيع بتغيير اسم المنتخب فجاه من المنتخب القومى الى المنتخب الوطنى ( معاهم حق تحس ان المنتخب الوطنى ديه معناها ان الفريق تبع الدعى العام الاشتراكى )

تلاقى اللاعب بيمسح انفه فى الفانله والمقرف انها بتكون دايما بيضه امال الكم بتاعك ده عاملينه ليه تقول ايه غاوى يقرفنا

تلاقى لاعب اتشنكل وراح ماسك وشه طب وبتمسك وشك ليه ده انت مضروب فى رجلك ولا لاعب تانى وقع على الارض وقعد يتمرمغ على الارض مع ان ماحدش لمسه وتيجى تطلعه بره يقوم زى القرد وينزل يجرى ومش عارف ليه دايما بلاقى لاعبى الزمالك لما بيقابلوا الاهلى بيعملوا الحركه ديه ااااااااااااااااااه عشان الدقايق تفوت بسرعه ويتغلبوا باقل النتايج قلتلى بس المشكله بييجوا يقلدوا بتوع شمال افريقيا وما بيعرفوش اش جاب لجاب ( تتكم نيله وانتوا كدابين كدب الابل كده )

لما يحصل تغيير ويخرج احد لاعبى الفريق المهزوم فتستقبله الحماهير المضاده وهو خارج بالطبول والدفوف وتعزف له موسيقى زفه العروسه المشهوره ناقص انه يقوم يرقص بس فى ملاعبنا اللى بيحصل انه بيرفع الحذاء فى اوجه الجمهور طبعا مثل الكابتن شيكابالا والنجم حسام بن حسن

عندما ترى جمهور بيحتسب الكوبرى جون

عندما يؤمن المعلق انه اكتشف خطط الفريقين بعد خمس دقايق من بدايه الماتش ويقعد يحكيلك ايه اللى هايحصل فى الماتش والمهم انا بقعد مستنى انى الاقى حاجه من اللى هو قاله ما الاقيش طب وبتفتى ليه حاجه تغيظ ودايما تلاقيه يا اما محمود بكر السكندرى يا اما الزملكاوى الغلث ده خالد لطيف ربنا مع اللى هتتجوزك

عندما يهتف الجمهور سيبوه سيبوه موجها هتافه لرجال الامن المدججين بالطبنجات ليتركوا مشجعا يقفز الى الملعب ويقوم بهز شباك مرمى الفريق الخصم قال ايه عشان يفك النحس

عندما تكون جالس امام الشاشه وزى مانت شايف على يمينك جماهير الزمالك باعلامها البيضه وعلى شمالك جماهير الاهلى باعلامها الحمره

ازاى تعرف انك بتتفرج على فيلم مصرى

من المعروف ان الافلام المصريه تتميز بكام حاجه كده سواء كانت فى التاليف او فى الاخراج
اما الاداء فقد عفى عليها الزمن وبقت موضه قديمه من الاخر كده تعبانه موووووووووووووووووووووز
ودلوقتى انت ممكن انك تتوقع ايه هايحصل فى الفيلم من قبل ما يبدا وتعرف نهايته قبل ما يخلص الفيلم
شوف يا باشا
_لما تلاقى البطل تعبان ونايم فى سريره وتيجى البطله تعطيه الدوا ومعاه الماء والبطل طبعا يشرب
وياخد الدواء فالبطله تساله السؤال المعتاد ها ... عامل ايه دلوقتى ؟! المفاجاه انه يرد عليها ويقول الحمد لله بقيت كويس
(كده بالسهوله دى ؟! واخد حبه البركه سيادته ) تقولش ايديها سحر ولا دوا واحنا مش واخدين بالنا ما علينا
غيره

_لما البوليس يوصل الى موقع السرقه او الجريمه ( ابقى اختار انت ) من غير ماحد ما يبلغه !!
( ماشاء الله على الاحساس بس مش عارف ليه بيبقى عندى احساس ان المخرج هو اللى بلغ الشرطه
عشان تتفرج على المطارده بين الشرطه والمجرمين تقولش احنا فى هوليود)
غيره
_لما ييجى مشهد التغرير بالبطله تلاقى لقطات الامطار الغزيره والرعد والبرق والشباك بينفتح وينقفل
واللى يغيظك اوى تكون البطله لابسه لبس صيفى خفيف (له فى ذلك حكم)
غيره
_ لما البطله تقول لصديقتها او عشيقها انها حامل يرد عليها من غير تردد اللى فى بطنك ده لازم ينزل
وغالبا بيكون يوسف شعبان ولما اتغيرت المقوله فى فيلم حين ميسره اتغير معاها البطل ( ماهو يعمل عملته ويخلى )
غيره
لما تتفاجىء باغنيه وسط الفيلم دون اى مقدمات ومن غير مبرر فنى او درامى يعنى ممكن الاغنيه تتحذف
من غير ما تاثر طبعا ده الحشو اللى بيملل المتفرج
غيره
_عمرك ما تلاقى التليفون مشغول دايما فى الخدمه تقولش خط جديد لسه ما اعلنوش عنه
غيره
_تلاقى الحاره كلها تصر على نبذ المذنب وتعامله بكل القسوه على الرغم من اعلانه التوبه
ودايما تلاقيه رجع تانى لجريمته ماهو فيلم مصرى لازم يبقى كده يصعبه عليك وبعد
كده يحوله تانى لمجرم
غيره
_دايما النهايه بتبقى سعيده ولازم زحتما الخير ينتصر على الشر ودايما تلاقى ان الشر هو اللشىء
الغالب على الفيلم من اوله لاخره بس الخير هينتصر تقولش انه بيمثل الزمالك !!!!!!!!!!!!!!!!!!!!!!!
غيره
_دايما المجرم بيتمسك وتيجى تدور على السبب تلاقيه مش مقنع بس الظابط يقنعك ازاى
طبعا بعبارته المشهوره ما فيش جريمه كامله
غيره
_ عندما يصب البطل من ازازه المشروبات الكحوليه فى كوب زجاجى طويل فيتملى كله
تقولش بيصب عصير قصب
غيره
_عندما تقود الصدمه العاطفيه بطل الفيلم المصدوم للانحراف وانه يروح الاماكن المشبوهه وادمان
الخمور وتدخين البانجو والعطف على بنات الليل ( وسمعنى احلى سلام والبانجو مش بتاعى )
غيره
_عندما يكتشف خيانه زوجته صدفه عشان هو نسى حاجه وراجع يجيبها من البيت وخلال الفتره ديه
يكون العشيق وصل وغير ملابسه واصبح جاهز للفضيحه فى السرير ( طبعا الهجص بعينه )
غيره
_عندما يكون اللقاء مصادفه فى اشاره المرور كافيا لتغيير مجرى احداث الفيلم ( طبعا لازم المشهد ده
يتكرر فىكل فيلم )
غيره
_عندما يخرج الدكتور من غرفه العمليات ممثلا كزمبارس يقول 3 جمل
اما اضطرينا نضحى بالجنين
او شدوا حيلكم يا جماعه
او الحمد لله العمليه نجحت بس مش هتقدروا تشوفوه دلوقتى ( ويعيشلك فى دور الدكنور بجد )
غيره
_ عندما يجلس البطل والبطله فى كازينوا على النيل وامامهم كوبين عصير ولونه دايما اصفر
ونادر اوى لما يتغير ويبدا المشهد وينتهى من غير ماحد ما يقربله ( والله انا حاسس انهم بيكونوا ماجرينه
المشهد بربع جنيه مقطع او بيوفروا تلاقى المخرج بس عشطان )
غيره
_ عندما يصاب البطل بطلق نارى فى لقطه ويضع ايده على بطنه قال الواد يتالم وفى اللقطه التانيه نلاقيه
بيقع على الارض والدم بينزف من كل مكان والله تلاقيه صلصه كشرى من عند عم كريم المعفن
غيره
_عندما يكون البطل واقع على الارض والدم بينزف من راسه وبيتكلم بكل تركيز ولمده 5 دقايق يقوم من خلالها
بفك لغز الفيلم والاعلان عن القاتل الحقيقى او مكان الكنز والله بيستهبلونا
غيره
_ عندما تسمع الصوت العالى بتاع احتكاك كاوتش السياره المسرعه بالاسفلت فى المنحنيات الصعبه ... بينما
تسير السياره ال 128 امامك على الشاشه بسرعه لاتزيد عن 40 كيلومتر تقولش سايق توكتوك
غيره
_عندما ترى الابنه تتناول فطارها وهى واقفه جنب التربيزه وشايله كتب الجامعه والاب والام والابنه
بياكلوا فى السريع كده والام تطلب منها ان تكمل افطارها فترد عليها وتقول علشان الحق اول محاضره
والاب والم يبداوا يدعوا لبنتهم المهم انك تلاقيها رايحه ترندف مع الواد بتاعها
غيره
_عندما تتحقق معجزه شفاء البطل قبل نهايه الفيلم مهما يكون عنده هو كده هايخف هايخف فيشفى من الشلل او يرجعله بصره او يتشفى من الورم اللى فى مخه او تعود اليه الزاكره بضربه عكسيه شبه اللى افقدته الزاكره فى اول الفيلم
وتلاقى المشاهد فاتح بقه وبيتفرج ومش مصدق والواحده منكم الدمعه بتفر من عنيها بعيد عنك رقيقه
غيره
_عندما يقبل الجمهور معجزه شفاء البطل بمبرر انه كان طول الفيلم "شهم وابن حلال ودمه خفيف " مش خساره
فيه يعنى ان ربنا يشفيه قاعدين فين احنا بس
غيره
_عندما تنتهى رقصه البطله "بجلابيه البيت " فى الفراش مع البطل
غيره
_عندما تغير حرب اكتوبر اخلاق كل اللى كانوا منحرفين قبل العبور ... الموظف المرتشى والراقصه والجاره اللعوب والبلطجى والمجرم بطبعه ( قال يعنى البعيد عنده دم)
غيره
_عندما تجد مقر العصابه ملىء بالقش والبراميل الخشب اللى هيستحدموها فى الخناقه بين العصابات والبطل اللى
حضر مع صديق له لانقاذ حبيبته ( شهم ياض )
غيره
_عندما يخلو فيلم من الصراع المصرى الاسرائيلى عبريه واحده ... (خالتى بتسلم عليكوا )
غيره
_عندما تشاهد فيلم بطوله ممثله فوق سن الستين تقدم فيه فن الاغراء ( تقولش هيفاء وهى بتبوس الواوا)
غيره
_عندما ينجح هذا الفيلم !!!!!!!!!!!!!!!!!!!!!!
غيره
_عندما يقبل البطل والبطله ( وهما شفايفهم الاتنين مقفوله بقوه ( وحياتك مع اول ابتسامه هاتلاقيها ..........)
غيره
_عندما ينتصر الحب وتتزوج البطله بنت االعائله الكريمه من البطل الفالجر (بيئه يعنى )

ايه رايكوا فى افلامنا المصريه اللى بتجيبلى شلل وانا قاعد الا من رحم ربى ربنا معانا

كيف تعرف انك تسير فى شوارع القاهره

تبقى شوارع القاهره هى الاكثر حيويه ودفئا بكل ما فيها من كوميديا ... بدايه بالقياده بمدا اسرقها او اخطفها نهايه بالماره الذين يعبرون الشارع وهم ينظرون الى اعلى ( ماهم بيقروا رقم الاوتوبيس )
_ عندما تلقى نظره عامه فتجد الجميع يسير متجهما وعلى استعداد فطرى للتورط فى اى خناقه (بس انت شاور)
_ عندما تقرا على الميكروباصات والتاكسيات جملا مكتوبه بخط اليد ...
-ياسلام لو الناس تبطل كلام
-ما تبصليش بايامه .. دا انا باجرى على يتامى
-الحلو حلو ولو صحى من النوم
-غدارين
-الحاسد ربنا يعينه
-... اه حبيبى
-يا بركه دعاكى يا امى
-يقينى بالله يقينى
اذا دعتك قدرتك على ظلم الناس فتذكر قدره الله عليك
-كل واحد عاجبه عقله
-المجروحين يمسكوا يمين
-ماحدش فاهم حاجه
-الكريم لا يضام
لا افتخار ولا غنى دى من ربنا
-للبيع علشان ترتاحو
-العين صابتنى... ورب العرش نجانى
_عندما يسالك شخص ما عن اى شىء بصيغه دينيه "الساعه كام والله" او " والنبى شارع طلعت حرب ازاى" فيجيبه احد الاشخاص
" على طول انشاء الله"
_عندما تشاهد مواطنا يعبر الشارع بين السيارات المسرعه بمهاره لاعبى السيرك حتى يصل الى منتصف الطريق فتهاجمه سياره مندفعه فيراوغها ( تقولش اللى معدى ده ليونيل ميسى ) ويعود الى النقطه الاولى التى كان يقف عندها بمهاره اكبر .. ثم يعيد المحاوله من جديد
(واحيانا تكون هذه المراوغه جماعيه )
_عندما تتوقف بسيارتك فى الاشاره الى جوار ميكروباص فتجد جميع الركاب ينظرون اليك فى وقت واحد .. نظره لا معنى لها
_عندما تجد شخصا يتحدث فى كابينه ميناتل فى الشارع وتجد شخصا اخر (واقف فى ودن اللى بيتكلم) ويمسك بكارت ينتظر دوره .. ويتسلى بمتابعه من يتحدث .. بل انه قد يسمع من هذا الحديث جمله تدفعه للاستغفار فياخذ خطوه للخلف وهو يضرب كفا بكف ..
(استغفر الله العظيم)
_عندما تنتشر فرق "الافطار" السريع فى الشوارع لحظه اذان المغرب لتمد الصائمين العابرين وقتها " باكياس البلح ".. وترى شابا منهم متحمسا يقف لك فى منتصف الطريق ( ماعندوش مانع انك تدوسه .. المهم تفطر)
_عندما ترى رجلا طويلا عريضا يقف تحت احد الكبارى ووجهه للحائط وظهره للشارع .
(ماهو بيعمل زى الناس)
_عندما يهتف السايس بقوه وثقه لسياره ترجع الى الخلف قائلا " تعالا.. تعالا.. تعالا " وعينه تراقب سياره اخرى يفكر صاحبها فى الوقوف .. فيتركك وانت فى منتصف " الركنه" ويجرى ناحيه الاخرى والنتيجه معروفه طبعا ... دووم حاااسب
_ عندما تبحث عن مصدر للتلوث والعوادم والادخنه الهائجه التى اصابت وجه العاصمه بشيخوخه مبكره فتجد ان المصدر هو السيارات التابعه للحكومه ... اوتوبيسات هيئه النقل العام , شاحنات الامن المركزى , سيارات نقل المساجين , سيارات نقل العاملين فى جهات حكوميه مثل ( مصنع 54 الحربى _ اتوبيس نقل العاملين بوزاره البيئه) بما يعنى ان الحكومه مدينه ولو باعتذار " وبوكيه ورد " لمعظم مرضى الربو
_عندما يسعى قائد سياره لتجاوز سياره اخرى التى امامه بينما الاشاره كلها واقفه
_عندما تعود الى سيارتك فتجد مساحات الزجاج الاماميه مرفوعه - لتفهم اوتوماتيكيا من هذه الاشاره ان شخصا ما قام بتنظيف سيارتك ونسى ان يعيد المساحات الى وضعها الطبيعى - بينما السياره فى حقيقه الامر نصف متسخه
المساحات المرفوعه لم تعد تعنى النظافه فى القاهره بل تعنى ان هناك شخصا ما ينتظر منك جنيها على الاقل قبل ان تخرج من موقعك هذا
_عندما تجد اشاره المرور عباره عن مشروع استثمارى , بل ان كل اشاره هى mall صغير فى حد ذاته يباع فيه عقود فل بلا رائحه , دعوات بالستر والصحه , دعوات بالزواج , نكات احيانا , اكواب زجاجيه بالدسته , صحف ومجلات , اغطيه لعجله القياده , دواسات بنزين
_عندما يتحول الشخص الذى صدمته سياره ويرقد على الاسفلت ينزف الدماء الى مايشبه قطعه السكر التى سرعان ما تجتذب اعدادا هائله من النمل
_ عندما تسال عن العنوان وتحصل دوما على اجابه ليست "لا اعرف" .. دوما هناك وصفه تقدمها لك ذاكره رديئه او مضلل كبير
_عندما ترى مواطنا يتعامل مع الفاترينات الزجاجيه بالايدى ولا يستطيع ان يتواصل مع المعروضات دون ان يضع جبهته وكفيه على زجاج الفاترينه
_عندما تجد الرجال دوما هم الذين يتوقفون امام فاترينات الملابس الحريمى " لانجيرى الورده الحمرا (موز موز موز)
_ عندما تتم " كلبشه" سياره لانها تقف صفا ثانيا , بما يعنى انها تغلق الطريق امام سياره او اثنين تقفان صفا اول , وهكذا يقوم "الكلابش" الواحد بتعطيل ثلاث سيارات دفعه واحده ... (ارجوكم رجعوا الونش)
_عندما تصبح الاشاره حمراء فجاه فتتوقف السيارات المسرعه ببطء وتجد معظم قائديها يجذبون احزمه الامان بيد ويلقون الموبايل من اليد الاخرى ويتحاشون النظر ناحيه امين الشرطه
_عندما تجد اعلانا فى الشارع بطلته ممثله او موديل عاريه الاكتاف وقد قام احدهم بتلوين الكتف العارى باللون الاسود (ماهو جاى يتوبها)
_عندما تجد مواطنا عاديا يقوم ببناء مطب فى الشارع , المشكله ليست فى كونه يبنى مطب على مزاجه فى المكان الذى يريده المشكله انه لا يجيد بناء المطبات
_عندما تجد عامل النظافه يكنس مطلع كوبرى مزدحم فى اى وقت فى العام وهو يبتسم لقائد كل سياره يمر بها وهو يكنس الاسفلت رافعا يده بتحيه " كل سنه وانت طيب يا باشا " ثم يكنسله كنستين حول السياره فى انتظار الجنيه
_عندما ترى سياره ترفرف منها الاعلام البيضاء على الرغم من هزائم الزمالك المتتاليه التى ليس لها حصر .. فتعرف ان احد الركاب هذه السياره فى طريقه الى مطار القاهره ومنه الى السعوديه لاداء فريضه الحج او العمره
_الاجمل ان ترى بعد منتصف الليل عددا من السيدات المسنات (جدات ) يرتدين "ابيض فى ابيض" يشبهن الملائكه يصعدن سلالم اوتوبيس سياحى يقف على احد جانبى شارع الجامعه فى طريقه بهن الى ميناء نويبع ومنه الى الكعبه
_عندما تشاهد اعمده الاناره مضاءه فى وضح النهار وقد تالقت بنورها الاصفر مثل اكواب ينسون ايزيس اورجانيك
_ عندما تشاهد الاعمده نفسها مطفاه ليلا
_عندما تتابع سياره جمع القمامه وهى تخترق الشوارع والقمامه تتساقط منها يمينا ويسارا
_عندما تجد صوره لرجل محترم على افيش كبير والى جوار صورته واسمه مكتوب رمز العجله
_عندما تقرا اسماء الشوارع "وماتعرفش مين الناس دى ؟" .. شارع نوال - شارع ابن الوز عوام
_عندما تجد سياره الدوريه "الراكبه" - غالبا - "راكنه"
_عندما يتم اسناد مسئوليه تنظيم المرور فى شوارع القاهره لجنود بسطاء لم يسبق لهم ان عاشوا يوما واحدا فى القاهره ... العسكرى من قريته الى مركز التدريب الى اشاره قصر النيل
_عندما تجد ان عسكرى المرور ... (هو اللى معطل المرور)
_عندما تجد ولدا وبنتا يجلسان فى هدوء ورومانسيه على مقاعد اقصر من سور الكورنيش الذى يحجب عنهما منظر النيل يعطيان ظهريهما للشارع ... وعلى الرغم من انك لا ترى وجهيهما فان "القعده نفسها" تعطيك انطباعا ان " البنت لاويه بوزها على الولد "
_عندما تحتل عربه الفول المدمس مساحه اضعاف اضعاف حجمها الاصلى بالطاولات المتراصه لتناول وجبه الفول من الوضع واقفا بطاولات الخبز البلدى الطازج الموضوعه على الرصيف " وجردل" غسيل الاطباق "وفرشه" للبصل الاخضر بالركن المخصص لشرب الشاى المغلى ... ومكان " للترجيع"
_عندما يكون الاحتفال بفوز الاهـــــــــــــــــــــــــــــــلى اجباريا خاصه اذا كنت تمر بسيارتك من منطقه بها مظاهره لجماهيره الغفيره
_عندما ترى من شباك سيارتك عروسين واقفين لالتقاط صوره تذكاريه بملابس الفرح امام نافوره جامعه القاهره او فوق كوبرى الوراق او كوبرى اكتوبر او كوبرى قصر النيل (يندر انا ترى هذا المشهد فوق كوبرى 15 مايو او كوبرى الجلاء )
_عندما تجد سياره ترجع الى الخلف على كوبرى اكتوبر لا قائدها (ما اخدش باله من نزله غمره)
_عندما ترى كوبرى علوى يقطع احد الطرق السريعه فتعرف انه فى هذا المكان قتل المئات على مر السنين حتى اقتنعت الحكومه بان اهل هذه المنطقه فى حاجه الى الكوبرى العلوى بجد ... المضحك ان سكان هذه المنطقه اصبحوا يعبرون الطريق من تحت الكوبرى

عظيمه يا مصر يا ارض اللوا .... فى مصر فقط

لم يذكر السجن فى القران الا فى مصر الكريم فى سوره(يوسف)
فى مصر فقط الاموات ينفقون على الاحياء (الفراعنه)
فى مصر فقط تجد شخص اقل منك فى المستوى العلمى وحصل على مجموع 50 % فقط فى الثانويه العامه ... لكنه بيطنطط عليك ...ليه
(اصله دخل بيهم شرطه)
فى مصر فقط ينمو نبات البردى وورد النيل والجرجير والخبيزه والليف
فى مصر فقط تتزاوج توجد السلعوه وهى مسخ ناتج عن تزاوج الكلاب الضاله فى جو العاصمه الملوث
فى مصر فقط تاكل الحواوشى والشكشوكه والعجه والكشك الاسيوطى والملوخيه بالارانب والمسقعه والكشرى ومحشى الكرنب وطاجن العكاوى والكبده الاسكندرانى
فى مصر فقط تعبر الكلاب الشوارع بالطريقه نفسها التى يعبر بها الادميون ... وتقف الكلاب على جانب الطريق وتنظر يمينا ويسارا حتى تعبر فى امان وليت البشر عندنا يعبر بالطريقه نفسها ... لكن المواطن المصرى يجب ان يعبر الشارع كطائر البطريق
فى مصر فقط يمتلك المواطن... بالوقت والممارسه مهارات خاصه فى ركوب الاوتوبيسات المسرعه والتسلل الى العمق او الوقوف باطراف اصابع القدم على اخر درجه فى السلم (اطلع من ع الباب)
فى مصر فقط تنشب الصداقه سريعا وفى اقل من ثوانى فى اشارات المرور او طابور فى مصلحه حكوميه او فى الاسانسير
فى مصر فقط تجد منطقه سكنيه باكملها (سارقه كهربا) مثل عزبه الهجانه او الكيلو 4.5 طريق السويس
فى مصر فقط ... ملك فرعونى فنان بنى لنفسه تمثال ضخم لا تشرق الشمس على وجهه الا مرتين فى السنه .. مره يوم عيد ميلاده ومره يوم عيد تتويجه هو شخصيا (والله الفراعنه دول كانوا رايقين صبح صبح يا عم الحج)
فى مصر فقط .. وزير يسرطن مواطنيه ثم يرشحه الحزب الحاكم فى انتخابات مجلس الشعب (عمار يا مصر )
فى مصر فقط ينادى وزراء التعليم بالغاء مجانيه التعليم
فى مصر فقط ... يتم انفاق ملايين الجنيهات من اجل الحصول على (صفر ) امام العالم ( كانوا خايفين يخدوا درجه بالسالب )
فى مصر فقط...الاختيارات الاساسيه المتاحه امام المواكن هى التصويت (نعم) او (لا)
فى مصر فقط ... يقدم الكشرى ساخنا فى اكياس بلاستيكيه شفافه
فى مصر فقط ... لا يمتلك المواطنون زيا رسميا موحدا ويصعب ان تعرف المصرى من مجرد ملابسه (الا لو كان لابس تيشيرت مكتوب عليه بالاخضر فكر جديد)
فى مصر فقط ادفع الاول وبعد كده ابقى اشتكى
فى مصر فقط تم القضاء نهائيا على ظاهره ادمان الحشيش والهيروين بعد ان اصبح البانجو فى متناول الجميع
فى مصر فقط ... رئيس الحزب مازال مرتديا الطربوش
فى مصر فقط ... لايتم وضع الملصقات الا تحت لافته (ممنوع لصق الاعلانات )
فى مصر فقط بولاقان ... بولاق الدكرور .. وبولاق ابو العلا
فى مصر فقط ... يو جد نوع من المسكنات على هيئه مصطلحات يتم تقديمها للشعب بجرعات مكثفه مثل (التمثيل المشرف ) (اشاده البنك الدولى بمصر ) ( اهميه الدور الذى يلعبه الشباب ... جيل المستقبل )
فى مصر فقط...له من الشعور بالامان الخفى تشعر بها ولا تراها بدايه بهجره اهل بيت النبى بعد حادثه كربلاء الى القاهره حيث وجدوا فى رحابها الامن والامان وكرم الضيافه نهايه بالزعيم الفلسطينى الراحل ياسر عرفات الذى قال فى احد حواراته الصحفيه لاانام جيدا الا فى مصر(شكر يا عم عرفات )
فى مصر فقط ... كل عقده ولها حلال
اشوفكم على خير بعد موسم الامتحانات ومش هقولكم فاصل ونعود لا هم اسبوعين ونعود
يالا بايلاموووووووووووووووووووووووووووووووووووز
مع خالص تحياتى الباش مهـــــــــــــــندس بو حميد

يا جمالك وانتى مصدقه

انا عازمكم على شويه كلام فى الحب كده

مع الباش مهندس واسلوبه الساخر

يارب تعجب

ولو ما عجبتش عادىمش هاتفرق

يا ريت فيه كلمه تعبر ع اللى انا حاسس به غير بحبك

(لانى فى الحقيقه مبحبكيش)

اول مره اقول كلمه بحبك لواحده

(وتصدقنى ودا لانك هبله طبعا)

انتى كنتى اجمل واحده فى الحفله امبارح

(بس ابقى اعملى عمليه تجميل فى ودانك ومناخيرك وبقك)

حنتجوز طبعا يا حبيبتى بس ادينى فرصه 6 شهور

(وبعدها مش هتشوفى وشى)

باحس دايما انى مسئول عنك

(فى الحاجات اللى متكلفش فلوس)

بتبقى حلوة اوى وانتى بتبكى

(بس فاهم دموعك كويس ومش هتجوزك)

انا مستاهلكيش

(وهتكتشفى بعدين الحقيقه دى بنفسك)

ازاى كنت عايش من غيرك قبل كده

(اكيد احسن من دلوقتى وع العموم قربت ارجع اعيش من غيرك تانى)

طول الليل بحلم بيكى

(اللهم احفظنا من الكوابيس)

كلمه منك واقاطع كل الناس

(الا ميمى وسوسو وتوتو و .....)

ماالقمر الا انعكاس لوجهك حبيبتي

( في الليالي المظلمة )

لما اشوفك يروح مني الكلام وانساه

( من الصدمة )

عنيكي احلى مافيكي

(لما تلبسي نظارة الشمس)

شفايفك زي الفراولة

( بتاعت الصوبات )

تتجوزيني ياحبيبتي

( يارب تقول لا )

وحشتيني ووحشني كلامك

( اللي زي الدبش)

ربنا معاكوا معاكوا يارب يا ولاد حوا

مع خالص تحياتى

الباش مهــــــــــــــندس

البنات مخلوقات عجيبه

1.لو قبلتها , تكون رجلاً غير محتــرم

ولو لم تقبلها, تكون لست رجلاً

2.إذا مدحتهــا تعتقــد أنـــك كـــــذاب

وإذا لم تمدحهـــا تعتقد بأنك لا تصلــح لشيء

3.إذا وافقتها على كل ما تريد تعتقد أنك بلا شخصيـــة

وإذا لم توافقهـــا أنت رجـــل لا يفهــم شيئاً

4.إذا زرتهــا كثيراً تعتقد أنــك رجــل غثيــث

وإذا لم تزرهـــا فـــأنت شخص لا مبالي

5.إذا كــنـــت مهتماً بمظهرك وشياكتك فأنت رجـــل لعـــوب

وإذا لم تلبــس جيداً فأنـــت رجـــل تحرق الأعصـــاب

6.إذا كـنــت رجلاً غيوراً فـــأنت سيء الطبـــاع

وإذا لم تظهــر لك غيرتهـــا فإنهــا تعتقــد أنـــك لا تحبهـــا

7.إذا تأخرت عليها دقيقــة فإنها تشتكي وتتذمر وتقول : ما أصعب الانتظار !

وإذا كنت تزور أحــد أصدقائــك فإنها تقول : بأنك رجــــل فاضي !

8.إذا لم تتوقف لهـــا حتى تقطع الشارع فأنت رجـــل عديـــم الأخلاق

أمـــا إذا وقفــت فإنها تعتقــد بأنك واقف حتى تتفـــرج عليهـــا

9.إذا كنت تراقــب أحد النساء فإنك رجل تغــازل وعيونك زايغـــة !

أمـــا إذا نظر إليها أحـــد الرجـــال فإنه أحـــد المعجبيـــن !

10.إذا تكلمــــت فإنهـــا تريـــد أن تــســتــمع

وإذا سمعـــت فإنهـــا تريـــد أن تــتـــكلم !

باختصار:

بسيطـــــــــــــــات ومعقــــدات

ضعيفات, لكنهن قويات

متناقضات ومنطقيـــــات

لا تستطيــــــــــــــع العيــش معهم

ولا تستطيــــع العيش بدونهـــم

كل سنه وانت طيب ياريس والشعب المصرى شبعان وبيحبك من كل قلبه

'ياريس كل سنة وانت طيب وربنا يخليك لينا'..

كل سنة ومصر تعيش معك أغلي وأعز أيامها.. سنوات مرت وكأنها حلم جميل داعبنا، وجعلنا نبتسم لكل أيامنا.

في عيد ميلادك ياريس ندعو الله لك بالعمر المديد، لكي تحقق لنا المزيد والمزيد.. .

فنحن سيدي الرئيس قدرك، وانت قدرنا. لمن غيرك نشكو؟!

من مين غيرك نطلب!!

لمن غيرك نروي احلامنا وآمالنا في مستقبل نملك فيه القدرة علي ان نحقق طموحاتنا، ونترك لاولادنا وأحفادنا وطنا عزيزا وقادرا علي ان يحقق لنا كل ما نتمناه.

بصراحة.. إحنا بنحبك لأنك إنسان أصيل.. بتعرف تحافظ علي كرامة وكبرياء بلدك وشعبك..

بتعرف تقرأ المستقبل صح ياريس.. وفي كل حاجة.. بره وجوه.بنحبك..

لأنك مابتعملش حاجة إلا بعد ماتحسبها صح.. ويكون قرارك في الصميم..

بنحبك لان تاريخك كله نظيف.تاريخ بطل.. كان يكفيه من كل الدنيا وسام الانتصار في حرب أكتوبر.

الوسام الذي وضعه شعب مصر كله علي صدرك داخل مجلس الشعب تقديرا لبطولاتك ودورك الذي فتح أبواب أعظم انتصاراتنا.

دايما ياريس، القرار الغلط في أي مجال يكون له تأثيرات سلبية، بتختلف من مكان لمكان..

ولكن في الطيران القرار الغلط يعني الموت..

من هنا دايما بيكون فيه تقدير وحسابات كاملة قبل أي قرار.طول ما إحنا معاك ياريس حسينا بالحكاية دي..

مفيش انفعال ولاغضب.. أي حاجة دايما تسبقها دراسة كاملة.. كتير قوي ياريس مواقف مرت علينا وعلي بلدنا.. تحديات كتيرة لا لها أول ولا لها آخر..

لكنك ياريس عدتها كلها بسلام.. بحنكة ومهارة وتفكير.. كانت دايما ياريس مصر معاك..

في قلبك وعقلك والعدو والحبيب دايما بيحسب لبلدنا معاك ألف حساب.بنحبك ياريس.. لأن سمعة مصر معاك أصبحت زي البرلنت.. وبيحسدونا عليك.. لأنك مننا..

دايما ياريس كنت معانا.ساعات كتيرة كنا بنكلم نفسنا.. بنقول ياتري الريس حاسس بينا.. ياتري الريس حاسس بمشاكلنا وهمومنا..

وفي كل مرة ياريس نكتشف الحقيقة إنك معانا.. أنت جزء مننا وإحنا جزء منك.. بتتكلم زينا..

وحاسس بالظروف الصعبة اللي إحنا عشناها.وبصراحة ياريس.. إحنا نسينا أيام زمان.. إحنا ادلعنا ياريس في عهدك..

ونسينا كل حاجة وحشة.. نسينا زمن الاشتراكية اللي ضحكوا بيها علينا لاننا اكتشفنا إننا بنعيش في وهم جميل صحينا منه يوم 5 يونيه

.نسينا زمن تليفون العمدة وبقينا دلوقتي محتارين.. نركب 012 ولا 010 ولا 011 ولا أرضي

.نسينا القطارات ماركة اللي يحب النبي يزق!!

نسينا زمن كل حاجة بالبطاقة من قطن العرايس لحد قماش التيل والبفتة والدبلان..

نسينا زمن المجاري اللي طافحة وطلمبات الميه البحاري ووضع النواية جوه الزير..

نسينا ياريس زمن زوار الفجر وزوار الصبح والظهر والعشا..

نسينا اللهو الخفي ونسينا نشوف النجوم في عز الظهر.دلوقتي كله بيتكلم..

مفيش حد خايف.

. شلت الخوف من قلوبنا يا ريس ودي نعمة إحنا مكناش حاسين بيها..

دلوقتي ممكن أي واحد ينتقد رئيس الجمهورية والحكومة وكل حاجة!!

ساعات بنزودها حبتين!! لكن جوانا شعور إننا مش خايفين..

عارفين إن فيه كبير في البلد.. بيحبنا وبنحبه.. عايش في قلوبنا وقريب دايما مننا.بنحبك ياريس لأنك مننا.

. انت الرئيس الذي لا يتحدث بلغتين.. اللي بتقوله في الغرف المغلقة هو اللي بتقوله في العلن..

ودايما آراءك وأفكارك سباقة والعالم كله يا ريس آد أيه بيحترمك ويقدرك.. طولة بالك وسعة صدرك ياريس وحبك لينا..

خلانا نطمع أكتر واكتر ياريس.في عيد ميلادك الناس.. اهلك... وشعبك... كل اللي بيحبوك المفروض يقدموا لك ورود الدنيا كلها..

لكنك ياريس كنت سباق بالخير.. طول عمرك سباق بالخير..

العلاوة ياريس كانت مفاجأة.. كانت عبور بالموظفين الغلابة من الدوامة اللي عايشينها ليل نهار..

الناس كلها دعت لك ياريس بالصحة والسعادة..

حسوا ساعتها انك جزء منهم وانت بتطالب الحكومة إنها تدبر الموارد عشان العلاوة لأن الناس مش ناقصه.!!

الناس ياريس كلها بتقولك في عيد ميلادك كتر خيرك.. وربنا يديك الصحة..

والسنة الجاية برضه هنقولك عايزين علاوة ياريس..

'علاوة ريس'.. له في قلب كل مصري حب ما يتقدرش بأموال الدنيا كلها.

كل سنة ومصر معاك بخير ياريس ونفضل دايما نقولك عايزين وعايزين..

والسنة الجاية مش مهم العلاوة تبقي 30 % خليها 25 % بس!! إحنا مش طماعين!!كل سنة وأنت بكل خير ياريس

وعشان كده احنا اخترناك!!!!!!!!!!!!!!!!!!!!!!!!!!!!