احلى حاجه الصحبه

الأحد، 14 سبتمبر 2008

والله وعملوها الرجاله على نفسهم

كنت امنى نفسى ان ارى الفريق الابيض الشهير بنادى الزمالك او القلعه البيضاء كما يحب بعض الزملكويه ان يطلقوا عليه وان اراه يفوز ويرد الهزائم المتتاليه والمتلاحقه للنادى الاهلى لكن مثلما قلنا من قبل عشم ابليس فى الجنه
ولكن ما احزننى بالفعل هو الحاله التى وصل اليها الجمهور الزملكاوى او الابيض
حيث انهم خرجوا بعد المباراه والابتسامات لا تفارق اوجههم ( صحيح البعيد ما عندوش دم ) حيث انهم فرحوا فرحه الاهبل بالتعادل
مع العلم انهم كانوا فى امس الحاجه الى الفوز واقتناص الثلاث نقاط لكى يحافظ لهم على كامل فرصهم فى الصعود الى الدور التالى
ولكن مع بدايه احداث اللقاء شاهدت موقف غريب جدا انى حسيت بان الزمالك داخل الماتش وهو مهىء تماما للهزيمه حيث لم يمضى عشر دقائق نظرت بعيناى ووجدت الكره ( بتزرغت ) داخل الشباك ايه يا اخوانا ايه حصل .. الاهلى جاب جون وطبعا كما يفعل الزملكاوى فقد الامل تماما ان فريقه يقدر يعوض واخدذ يدعى ربنا ان يخرج باقل الهزائم ( يعنى تلاته اربعه )
ولكن يا لرحمه القدر الذى لعب دورا كبيرا جدا فى تعادل هذا النادى حيث استطاع لاعب نادى الزمالك فى احراز هدف التعادل والشوط الاول يلفظ انفاسه الاخيره
ويبد الشوط الثانى وجميع الاهلويه يتوقعون رؤيه الاعصار الاحمر الذى يلملم من يقف امامه ولم يمضى عشر دقائق الا ونظرنا ووجدنا الكره داخل مرمى النادى الاهلى
وفى هذا التوقيت وضعت يدى على قلبى خوفا من صحوه لاعبى النادى الاهلى الذى كان خارج نطاق الخدمه ( اظاهر ان الشبكه كانت ضعيفه )
ولكن لم يخب النادى الاهلى من امال جماهيره واستطاع بفضل نجومه ان يتعادلوا مع هذا الفريق المسمى بالزمالك
تعالوا نتكلم عامى شويه ااصلى مش بحب الكلام المزوق ده
قبل الماتش يا اخوانا لقيت كل الزملكاويه الخوف هيموتهم ومرعوبين بس لازم الكبرياء يلعب دوره
لقيت كل واحد بيضرب رقم انهم هيكسبوا الاهلى واحنا محروق دمنا من الكلام بس واثقين من نجومنا
واول ما بدا الماتش وبدا ببشرى اسعدتنى شخصيا وهى اصابه نجم الدفاع الهانى ابن سعيد قلت بركه يا اخوانا بدايتها عنب
شويه والماتش بدا واول ما بدا كام هجمه عنتريه كده من الغانم والعبدالله ولكن طبعا بلا تاثير على الامير
وبعديها علطول لقيت الكوره بتزرغت فى عبد الواحد اللى جابوه من الدار للنار اصل بعيد عنكم عبد المنصف بقى بينحس الفرقه
فبيوقفوا عبد الواحد فى القمم المهم الواد فلافيو عملها وجابها فى الشبكه بصيت ولقيت اخوانا الزملكويه نزل عليهم سهملله
وخلاص بداوا يستعيدوا زكريات الماضى والهزائم المتكرره واللى خلاص اتاكدوا انها هتحصلهم وبدا الاهلى يمسك وسط الملعب تمام التمام
ومافيش اى بروبليم خالص واللعب بدا يبقى ممل لحد ما جيمى فض الاشتباك وجاب جون للزمالك بس جون ايه جامد مووووووووووز
لان الكوره جات للاسامه اللى قطع الشورت لوائل وكلمه قطع الشورت يعنى رقصه ونيمه على الارض وحطها لجيمى اللى خد الشادى فى غرزه كده بترقيصه على الطريقه العالميه وفى الجون علطول
بصيت جمبى يا جماعه لقيت فعلا الزملكويه هيموتوا من الفرحه مش مصدقين انهم هيطلعوا فى الشوط الاول متعادلين
المهم فى الشوط التانى كنت فاكر ان الاهلى هيصورج ( هيبهدل ) الزمالك ولكن حصل العكس لقيت العيال بتوع الزمالك نازلين بروح
ووالله فرحتلهم من قلبى وقلت اخيرا العيال حسوا انهم بينتموا لنادى وخلاص فاقوا وهيلعبوا كوره
المهم اخوانا جابوا جون بقياده الاجوجو وهو جون غريب كده عامل زى بتاع البلاى ستيشن يعنى ما يدخلش فى حارس ممتاز
بس هنعمل ايه ما عندنش غيره الامير وهو لاحول له ولا قوه
بعديها الاهلى انتفض وافتكر ان هو بيلعب مع نادى بلغه الكوره كده متمرمط منه فى اخر خمس سنوات
فعاد ليبحث عن كبريائه امام هذا النادى المهلهل وبالفعل الزمالك غلط والاهلى استغل الغلطه وجاب جون بوصفه بانه مزيكا من المعلم ابو تريكه
لانه جابه بعينيه بص لعبد الواحد فى زاويه وحطهاله فى التانيه جون مزيكا بجد
وبعد كده ماتش فى قمه الملل
ولكن لازم اهنىء الزمالك فعلا كنتم رجاله وتستحقوا التعادل ولولا ان اللى بيدربكم ده مدرب تعبان كنتم فزتم بالماتش
بس يالا خيرها فى غيرها مع انى اشك ان الاهلى هيلعب بالتراخى ده مره تانيه
طبعا بكره كلنا هنسمع كلام من الزملكويه والاهلويه كتير
ان الاهلى ساب الماتش عشان الزمالك يصعد وان الزمالك ليه ضربه جزاء وان الحكم ده ابوه اهلاو منذ ان كان رضيعا ووالدته من مشجعى الدراويش فكان محايد الراجل جه يظلم هنا ظلم هنا
ماعلينا المهم خرجنا حبايب وماحدش زعل
بس كلمه للزمالكويه
انتم يا اخوانا وصلتم لمرحله صعبه اوى جه بيكم الزمن انكم تتمنوا التعادل مع فريق انتم المفروض كنتم بتكسبوه وبكل ثقه
دلوقتى التعادل معاه يعنى الفوز ليه النظره ديه
اتمنة ان يعود الجمهور الزملكاوى الى حظيره تشجيع فريقه مره اخرى وان يثق كل الثقه ان فريقه مهما عمل
مش هيكسب الاهلى ليه ؟؟؟؟؟؟؟؟؟
عشان انتم وش فقر والفقرى هيفضل طول عمره فقرى
يعنى والاهلى نايم خالص مش عارفين تكسبوه يبقى هتكسبوه امتى لما يصحى
كانت فرصتكم وانتم فرطوا فيها
ربنا معاكم يا زمالكويه
كان معكم بيبـــــــو الاهلاوى
وبدون تعصب

هناك 20 تعليقًا:

مش لاقية اسم يقول...

السلام عليكم ورحمة الله

هو معلش يعنى انتة بتحب الكورة للدرجة دى موضوعين ورا بعض ما شاء الله

بس المفروض ان نادى الزمالك ينقرض يعنى يتشال بقى خلاص مبقاش لة لزمة

جزاك الله كل خير على التعليق عندى
والبوست جامد جدا وحلوة (عشم ابليس فى الجنة)
يلا سلاموز

ندا منير يقول...

يااااااااااااا
صعبنين عليا قوى قوى
معلش يا زملكاوية
تتعوض باذن الله
والحياة مش كلها هزيمة ومش كلها نجاح
مرة كدة ومرة كدة
المهم كل واحد يحاول يعرف غلطه فين وايه السبب اللى خلاه يتهزم

وبلاش قلبك الاسود يا بيبو
وتقول انى شمتانة
ماشى
عشان ايه
.......
انت عارفنى كويس
ممكن اعمل ايه

mregypt7 يقول...

مش لاقيه اسم
هو اولا انا بحب الكوره جدا ومؤمن بمقوله انها احد متع الحياه
ولكن مش بقى فيه تعصب زى زمان خلاص بقه
ولو على الموضوعين ورا بعض كانت بس ظروف يعنى صدفه مش اكتر
وعليه العوض ومنه العوض من الفريق المهلهل اللى اسمه الزمالك
منورانى

mregypt7 يقول...

نـــــــــــــــدا باشا
الشماته هتفط من عنيكى
ياه ماكنتش اعرف ان قلبك اسود كده
ولا بلاش عشان مانضربش
انا فهمتك غلط
يا بنتى افهمى حاجه
مهما عمل هذا الفريق الابيض مش هيشوف النصر على الاحمر
وبس

EMMY BABY يقول...

هههههههههههههههههههههههه

ايه يابنى انت مدمن كورة

ادى اخرة الزملكاوية

علشان تحرموا تبقوا زملكاوية

بس بجد اسلوبك فى الكتابة لذيذ جدا بيضحكنى مووت

مستنية البوست الجاى فى حاجة غير الكورة والزملكاوية ياااااااااى

تحياتى

ايمى

Unknown يقول...

تصدق انا عرفت بالصدفة البحتة ان كان فى ماتش اساسا ولما سالت مين اللى كان بيلعب يا اخوانا قالوا لى الاهلى والزمالك رديت بكل تلقائية طب والزمالك اتغلب كام؟؟؟؟؟
عادى يعنى راح واحد صاحبى قاللى اتعادلوا بس الاهلى كان خايب قوى وكان بيلعب وحش يعنى لما الاهلى يكون ميت الزمالك يتعادل معاه ولا حول ولا قوة الا بالله يا ابنى والله اسمع كلامى وسيبك من الكورة بقى وبعدين الزمالك دة تحفة تحفة والله بيضحكنى موووووووووت

nody يقول...

انا بقول بارضه الكلام فى الكوره
وعن الاهلى والزمالك
احسن من وجع القلب بتاع الدويقه الى فيها 600جثه اتعفنت واللاف مهددين بالطاعون
وامءات الاسر الى اتشردت فى الشوارع
الله عليكم بجد شباب تفرحوا
ليهم حق يدوا ممدوح اسماعيل البراءه يوم ماتش السوبر
ماهو محدش فاضى
طبعا هاتقول يا احمد انى علشان زملكويه
بس احب اطمنك انا حتى ماتفرجتش على الماتش
وحتى لو الزمالك خرجت وده اكيد من البطوله
فى داهيه ايه الى هايحصل يعنى
ولو الاهلى اخد البطوله
بارضه ايه الى هايحصل
الناس ها تلاقى العيش بدل ماهما بقوا بيحلموا بشكله


بجد مصر بتتقدم بيكوا

mregypt7 يقول...

المدعوه ايــــــــمى
انتى بتشتمينى ولا ايه
انا اهلاوى والله
........
اولا انا كنت مدمن كوره ولم اعد يعنى بقت بتيجى فى ترتيب متاخر شويتين
وشكرا اوى على كلامك الجميل ده
ده كسفتينى يا شيخه
مع انى ماعرفش الكسوف اصل بعيد عنك وشى مكشوف شويه ههههههه
هو بس جه حظك فى موضوعين كوره واول مره اكتب فيها
منورانى

mregypt7 يقول...

انجى
الزمالك ده يابنتى ايه ترى جانتى خالص
مصدقك من غير ما تحلفى انك عرفتى بالصدفه البحته ان الزمالك اتعادل وكان بيلعب مع الاهلى
ربنا يبعد عنا تشجيع الكوره
قولى امين
منورانى

mregypt7 يقول...

نودى
على فكره كلامك فيه اتهام صريح لينا
اللى هم الشباب المصرى وليا انا شخصيا بالتخلف والجهل وعدم معرفه الذى يحدث فى البلد
بس احب اطمنك مش عشان انا كتبت عن الماتش وده بجد حاجه ترددت فيها بس قلت عادى نعملها على سبيل الهزار
وانى مش كتبت عن الدويقه وممدوح اسماعيل وهشام طلعت وغيره من الشرفاء
ده مش معناه انى انا والشباب اللى زيى متخلفين او مش دريانين باللى بيحصل يا استاذه
وانك تكونى زملكاويه او انك تتفرجى على الزمالك او لا فده مش يخصنى ولا ليا دعوه بيه خالص
يعنى انتى فكرك لو كتبنا عن الدويقه وغيره مصر هتتقدم بينا
والله لو كان الحل كده من بكره اكتبلك عن كل المشاكل اللى فى البلد واهو نكسب فى الشعب ثواب لاننا هنضفه
ياريت لو يبقى كلامك موضوعى شويه يا استاذه هناء
منورانى

EMMY BABY يقول...

هههههههههههههههههههههههههه علشان تحرم تدعى للزمالك تانى

اديك بقيت مشبوه ومشكوك فيك انك زملكاوى

ما علينا هعملت تيست لو نجحت فيه تبقى اهلاوى

مين اول واحد شاط كورة فى مصر ؟

تحياتى

ايمى

mregypt7 يقول...

ايمى
هههههههههههههههههههههههه
خلاص حرمت
اللهم تاخد الفريق الابيض زو القلب الاسود ههههههههههههه
بس التيست سهل اوى يا ايمى
كنت عاوزك تصعبيه شويه
ما علينا لما نجاوب وخلاص
طبعا اللى شاط اول كوره فى مصر
هو توت عنخ امون الذى كان يلعب لنادى الاهرامات ومنتخب طيبه هههههههههه
منورانى

انى احبكم فى الله يقول...

المدونه بجد جميله اشكرك عليها واشكر على الموضوعات الجميله ورمضان كريم تحياتى ليك وتقبل مرورى

انى احبكم فى الله يقول...

المدوهنه بجد جميله اشكرك عليها وتحياتى ليك ورمضان كريم

mregypt7 يقول...

انى احبكم فى الله
الله يخليكى يا رب وشكرا على كلامك الجميل اوى ده
منورانى

غير معرف يقول...

ياااااااعمو .... فكك بقي من الزمالك .... خليت الناس كلها تهزء فية في مدونة زي دي .... انا مستعد اشمعهالك .. نياهاهاهاهاهاها ... يا عم ارحم بقي شوية .. وماتشات الاهلي والزمالك بلاش نعد فيها مع بعض ...خلينا مع بعض في المنتخب والتحليل وكدة .. هههههه .. فاهم انت يابو حميد ...
صباحك فل انشاء الله...

mregypt7 يقول...

هشام سلس الملقب بالفنان
هههههههههههههههههههههههههه
ماشى يا عمونا مش هاجى ناحيه الزمالك تانى عشان الاحراج ليك بس
وخلينا ياعم فى المنتخب والتحليل بتاعه
والرقصه الشهيره له ونموس عمال يقرص يا اخوا مش عارف انام منه يا اخويا
فاهمنى انت
هههههههههههههههههه
منورنى يا معلم

انى احبكم فى الله يقول...

على فكرة انت كسبت فى مدونتى حائزة او هديه تعال خدها

غير معرف يقول...

معنى مش فاهم حاجة بس انت نجم يا بيبو
الدكتور محمد عبد السلام
هههههههههه جامد ياض

اخبار سياسية يقول...

راحت على الكل
وانبى اللى اخدهااااااا