احلى حاجه الصحبه

الاثنين، 20 أكتوبر 2008

عجبى

بيقولوا المراه فى طريقها الى حكم العالم !!!!
اللهم احفظنا يارب
حتى فى ولايه تكساس المشهوره برجالتها الشداد او التفاجايز قصقصت المراه شوارب الرجال واستولت على الحكم فتولت ان ريتشاردز وزاره الخزانه فى الولايه واصبحت ليلى كوكريل رئيسه لبلديه سان انطونيو وقبلها راست انيت شتراوس بلديه هيوستن
وواضح ان المراه هتستولى على قياده العالم ربنا يستر
فهى فى بريطانيا والنرويج والفلبين وباكستان وغيره رئيسه دوله ورئيسه وزراء
وكانت هناك قبل ذلك انديرا غاندى وفبجايا لا كشيمى وبندرانيكا وكاينج تسنج ومن المتوقع ان تضاف الى قائمه حاكمات الدول تاكاكو دوى زعيمه الحزب الاشتراكى اليابانى
ولا يمكن ان يكون وصول المراه الى قياده الدول على هذه الصوره وليد مصادفه
بل هو بالتاكيد نتائج مخطط نسائى محكم بدا بالثوره على الرجل فى اوروبا واميركا ثم استئناس الرجل وتحويله الى خنفس اليف يضع الحلق فى اذنه ليعلن عن بدء عصر الرجال الاغوات
وفى السويد الان حركه نسائيه تطالب بتبادل المواقع فيلزم الرجل البيت يطبخ ويغسل ويدادى فى العيال ويحضر الرضعه
وفى الوقت ده تتفرغ المراه للعمل وشغل المناصب العليا دون الرجل
وسوف تصل المراه السويديه الى اهدافها لان الرجل هناك مؤدب ومهذب ومطيع واليف جدا
وهى خطوه سوف تعقبها خطوات جديده الى ان تستولى المراه على العالم ليصبح حكمها عنصريا يقوم على اضطهاد الرجل تشفيا وانتقاما وسوف تظهر الجماعات النسائيه المتطرفه لتنادى بوجوب التخلص من الرجل بالمذابح الجماعيه حتى تسلم البشريه من شروره
فمنذ الازل وهو يشعل الحروب ليحرق قلوب الامهات ولابد ان امبراطوريه النساء سوف تسخر التقدم العلمى لنقل الحمل من بطن المراه الى بطن الرجل وسوف يموت فى هذه التجارب العلميه مئات الالوف من الرجال ذوى البطون المنفوخه
وسوف تنشط لجان حقوق الانسان تناشد حاكمات العالم بوضع حد لاباده الرجال
غير ان الرجال من جانب اخر سوف تتكون بينهم جماعات تطالب بالمساواه مع الجنس الحاكم
وسوف تتضاعف المنظمات السريه التى تقود حرب تحرير الرجل عن طريق العنف
ومن الاخبار التى سيطالعها القارىء فى ذلك الزمن القادم
اكتشفت السلطات المختصه فى كشاكاوانيا عبوه ناسفه فى قلم روج السيده رئيسه مجلس الوزراء الكاشاكاوانى
وتم ابطال مفعولها قبل لحظات من تناول رئيسه الوزراء لقلم الروج لتطلى شفتيها والمعروف ان السيده رئيسه وزراء ليمونيا راحت ضحيه حادث مماثل
اذ تم حشو باروكاتها بماده ناسفه
وقد اعلنت منظمه الموت للنسوان مسئوليتها عن الحادث

هناك 12 تعليقًا:

Unknown يقول...

ههههههههه
دي رسالة تنبيه لرجالة العالم ولا ايه؟

mahasen saber يقول...

انتوا يا رجاله زى القطط صحيح ناسين انبرضه الستات لما بتتولى الحكم بتبقا بمية مليون راجل يعنىتاتشر لما حكمت الانجليز الارجنتين عرفت تاخد شبر من جزرها ولا حقها فيها ما اتاتشر كلتهم لما قربوا على مصالح بلادها حتى ولو حقهم
....
وشجرة الدر لما حكمت مصر مش لتحلت بالحكمه وسابت العرش بمزاجها وفى الوقت المناسب
....
والست لما بتتولى الحكم فى بيتها بزمتك مش بيمشى على العجين ميلخبطوش...
البوست منتهى الذاذه وبرضه فيهتذكره حلوه باسامى الستات اليى حكموا العالم
.....

mahasen saber يقول...

اه وعلى فكره انا اسفه اتاخرت عليك فى المتابعه اصل انتا مكنتش عندى فى الريدر بس كده خلاص بقيت تحت ايدى واول ما هينزلك بوست هتلاقينى ان شاء الله وشوف بقه مين هيرحمك....
....
وبالنسبه للملايكه ما انا ابنى ملاك برضه وعارفه هما ملايكه بس بشقاوة الشياطين....

بنت مصريه يقول...

انا مع المرأه بس مش لدرجه الحكم
لا كده حرام بجد
رجعنا الى عصر بلقيس وعجبى

بوست جميل يابوحميد احييك

EMMY BABY يقول...

ظاهرة غريبة والله

زى مايكونوا الرجالة بقوا معترضين اصلا على وجود السيدات

لعلمك المرأة اوك قادرة على تولى مناصب كبيرة بس هى لو لاقت رجالة جامدين كدة يسدوا مكانها هتسيبلهم المكان :))

لعلمك المرأءة فعلا مينفعشى تمسك حكم انا معاك فى كدة

تحياتى

ايمى

بنت مصريه يقول...

اتمنى تنورنى يا بشمهندس

nody يقول...

احمد باشا
بلغنى انشغال سيادتكم
فى الرسم والامتحانات
قلت اجى اطمن على مستقبل الهندسه فى مصر

ربنا معاك

"عبير النجار "نيجار يقول...

كل سنه وانت طيب وبالف صحة وسلام
تحياتي

mahasen saber يقول...

كل عيد وانتا بالف خير
واسرتك وكل من تحب
بكل صحه وستر

م/ الحسيني لزومي يقول...

تقبل الله منا ومنكم
وكل عام وانتم بخير

اخبار سياسية يقول...

يا ستااااااااااار
ان كيدهن عظيم ربنا ما يحكم امراءة على حد ابدااااااااااااااا

وظائف خالية يقول...

لالالالالالالالالالالا
انا ضد حكم المرأة
يا ستااااااااااار
ان كيدهن عظيم ....