مصطلحات سياسيه بطريقه واقعيه

التنوير:
عمليه تتم فى الشوارع عندما يسكنها وزير
العولمه:
عملية تحول اجتماعي وثقافي وفني تمارسها العوالم وابقى سلملى على دينا وفيفى والبقيه تاتى
الشفافيه:
سمه ضروريه للملابس المستخدمه فى العولمه
الجات:
اهى مصيبه وجات على دماغنا
النظام الملكى:
عند وفاه الملك سينتقل الملك الى ابنه مثلما ما يريدون فعله فى ام الدنيا
المبايعه:
ورقه وبكتبها لما ابيع عربيه قديمه
راى المراه:
ستات مصر قالوا كلمتهم النخلتين سمنتهم ! ونعم الراى
الدبلوماسيه:
احسن هديه تصالح بيها مراتك بس بشرط الالماس يكون حر
الصراع الطبقى:
خناقه كل بيت على مين اللى هايغسل الاطباق النهارده اقولك هاتى بريل بقوه الليمون!!!
الحرب الاهليه:
حرب البنت مع اهلها عشان تتجوز الواد اللى هى عايزاه ! بحبه يا بابا
حرب الشوارع:
قياده السيارات فى شوارع القاهره
العمل الثورى :
مزكر العمل البقرى
الشريط الحدودى :
ده الشريط الجاى للعمرو بن دياب
الوحده العربيه:
ان تعانى كل دوله عربيه الشعور بالوحده وللاسف هذا ما يحدث حاليا
الدستور:
كلمه تقال للحمايه من الاسياد عند دخول بيت مهجور هيه حابس حابس دى جاهله وما تعرفش
الديمقراطيه:
نوع من الفنون الزخرفيه يستخدم لتزويق صوره الحكومه المهزوزه دايما
القانون:
اله تصدر اصواتا جميله عندما تلعب عليها بصوابعك
الحريه للجميع:
للشعب ان يقول مايشاء وللحكومه ان تفعل ما تشاء وحسبى الله ونعم الوكيل
حريه النشر:
تمارسها النساء على السطوح فى المناطق الشعبيه وسلملى على طنط ام سوسو