يا جمالك يا مصر

رجعت مصر وقولت اعيش
واول ما نزلت قلولى ادفع ... ادفع علشان تعيش
ضحكت وقولت مفيش
طلعلى من وسط الزحمه شويش
قاللى حمدالله على السلامه
قلت فى بالى بدانا التلامه
ومشيت خطوتتين لقيت واحد بورقتين
بيقولى اهلا رايح على فين
قب بقرشين لخواتك الغلبانين
قلت ايه ومين
قاللى معونه الشتا للمساكين
ومفيش كلمتين
وبقول اجيب الشنطتين
لقيت خمسه شايلين عنك يا بيه هانشيل
ضحكت وقولت وماله واديتهم خمستين
بصولى بصه وحشه وقالوا هو انت جاى منين
وخرجت من المطار وبقيت فى حاله دمار
التاكس سعره نار
وسواقه بقى جزار
واخدت فى الاخر قرار
ماخرجش من المطار
واسرع بالفرار
غيره
خالتى وخالتك واتفرقوا الخالات
اهو ده حال العيله بعد الجب مات
كل واحد بيدور على مصلحته لحد الممات
ومش عايز يدى لا كله هات هات هات
سالنا فين الحب فين الدم بينكم
خلاص الدنيا كلت كل مشاعركم ؟
وكان هم بس اللى مشغولين
طب لو العالم كله عمل كده الواحد يروح فين؟
دى العصافير مبتسبش عيليتها
علطول طايره بجناحتها
مهما ان حصل ما تفارق اسرتها
واحنا .هه.احنا دى كلمه نسيتها
اسمع كلام ماما ليه؟
هو انا عيل صغير ولا ايه؟
ده انا كبرت وبقيت بيه
وبقيت راجل يعتمد عليه
وبابا كمان دقه قديمه
خنقنى وحسسنى انى مليش قيمه
انا نفسى اخرج من البيت بالسلامه
اعيش بقه حياتى ومفيش بعدها ندامه
من خرج من د اره . انقل مقداره
راجع عقلك وافهم ان الشطاره
مش انك تعصى اهلك .. لا البس النضاره
شوف عملوا ايه عشانك طول السنين .. يا خساره
قلبك بقى جاحد بيجرح ولا يتدارى